شاکر
بذریعہ : محمد شہباز
نہ ڈیکھ مِٹھا، تو کھیر چا ڈیکھ
ھاں دے پھَٹ تے چیر چا ڈیکھ
میکوں کوجھا آہدا رہ گئیں!!!
خود اپنی تُو تصویر چا ڈیکھ
جِھنڑکاں دڑکے ڈے تے ٹُوری
بوہا کھول یار فقیر چا ڈیکھ
جیڑھا خواب ءچ یار نی آ سگدا
او آ گئے ہُن تقدیر چا ڈیکھ
جاہ جاہ عشق دا پندھ نہ پُچھ
میڈی حالت لیرو لیر چا ڈیکھ
روز جو نندر ءچ آ ویندا ہے
کوئی خواب دی اج تعبیر چا ڈیکھ
جے پہلے تیکو نظر نہ آوے
ہیوی صوفی یار اخیر چا ڈیکھ
تیکوں اہدا نہ ہم
میں توں نہ نکھڑیں توں،
میں تو نکھڑیں تو جاہ جاہ تے
تُلیا ودیں چُھوہر ہُلیا ودیں،،،
غیریں دے رہ تے
نبھا کر گیائیں،
میڈی بچپن دی یاری تو
بھلیا ودیں چُھوہر ہُلیا ودیں،،،
ایہے غیر ہوسن
اے گل یاد رکھیں،
جیندی تَڈ تے اج کل تو
چُلیا ودیں چھوہر ہُلیا ودیں،،،
میڈا کجھ نہ ویسی
تیکو صوفی آہدا ہا،
ایویں غیریں دے رلے تو
رُلیا ودیں چھوہر ہُلیا ودیں،،،
اور غیر حکم کریسن تو پورے کریں،،،
تیں توں ڈیلی نہ پورے تقاضے تھیسن،،،
جڈاں غیریں کوں کہیں جاہ تے دڑکا ڈتو،،،
تیڈی عزت دے ڈیکھیں جنازے تھیسن،،،
ولا کوئی حادثہ تھیندے تاں تھیووے
زمانہ کربلا تھیندے تاں تھیووے
یزیدیں نال ساڈی جنگ راہسی
جے سر دھڑ توں جدا تھیندے تاں تھیووے
تسلی نال خنجر تیز کر گھن
میڈا سجدہ قضا تھیندے تاں تھیووے
آساں اج دل دیاں تاکیاں کھول چھوڑین
کوئی قیدی رہا تھیندے تاں تھیووے
میں ہݨ بلکل وی چپ کائنا کریساں ختم منہ دا آلا تھیندے تاں تھیووے آساں دستار پیریں رکھ ڈتی ہے اجاں وی او خفا تھیندے تاں تھیووے ولا جلوہ ڈیکھا ہک وار ساکوں جے روہ کیری ولا تھیندے تاں تھیووے کلیجہ کڈھ کے پیریں رکھ ڈتے سے اجݨ وی بے وفا تھیندے تاں تھیووے آساں ہݨ سر نوا چھوڑیا ہے یوسف صنم جیکر خدا تھیندے تاں تھیووے سئیں یوسف سنجرانی ✍️
بذریعہ : صوفی
بذریعہ : صوفی
معلوم نہیں
بسم اللہ سے ابتدا کرتے ہیں سب سدا خوش رہو یہ دعا کرتے ہیں منزلیں ملیں تم سب کو تمہارے ہم اپنے رب سے یہی فریاد کرتے ہیں
صوفی بھائی
صوفی بھائی
سوچ کے ٹُر پئے بکرا منڈی 🐐
بکرا لے کر آواں گے 🙂
ککڑ کھا کھا تھک گئے ہاں🐓
ہُن عید تے بکرا کھاواں گے😌
ماڑا جیاں ویکھیا تے میں قیمت پوچھی لِیلے دی🤔
اوہ آکھن لگا اے لیلا اے رونق سارے میلے دی😍
گل سن کاکا عید دا موقع اے تھوڑا ریٹ نئ دسی دا😂
انج تے لیلا لاکھ دا اے پر تیری خاطر 80 دا🤗
میں سن کے آ کھیا واہ او ویرا🙄
کیا بات ہے تیرے لیلے دی🤭
میں ایویں کھو کے لے جاوا اےرونق سارے میلے دی😒
لاکھ وی ایدا تھوڑا اے تو اپنا ریٹ ودا کے رکھ🤣
میں کٹے وچ حصہ پا لاں گا تو اپنی رونق لا کے رکھ 🐂😂
دل کوں اینجھی کوئی بے قراری ہے !
جیویں چِھک دی کہیں چاٹ ماری ہے !
میں بُڈھیپے دا لاواں لہا آیاں !
اجاں تیڈی انا کنواری ہے !
#مناف_واقف
رو ٫ روونڑ عین عبادت ھے ٫ پر بے آواز رنی کر
کجھ عید نماز توں پہلے رو کجھ بعد نماز رنی کر
اے آہیں دھاہیں ڈکھ ڈسکیاں بھن سارے ساز رنی کر
اے طارق راز دیاں گالھیں ھن رکھ دل وچ راز رنی کر
سرکار احمد خاں طارق ✍🏻
گاں کھیر پلیندی ہے تہوں چنگی
منجھ ڈدھ دی نہر ہے بہوں چنگی
ہک انڈے ڈیندی ککڑی دے رنگ وکھرے ہن
انگ وکھرے ہن
جیڑھی نسلی کتے جیندی ہے او کتی وی انڑمل ہے پئی
ہر جنس دی مادہ بھاندی ہے
بہوں ڈھیر منافعے ڈیندی ہے
ہک آدم زاد کوں مسئلہ ہے
جے پتر جمے تاں بیکریاں تے منشور مٹھائیاں مُک ویندن
جے دھی آ ونجے جھولی وچ پیو ماء دے چہرے سک ویندن
میں لعل ملنگ کوں آکھیا ہا اج مرشد میڈے پلوں وچ
کوئی خاص دعا تاں بدھو ہا
او نیل فلک دو ڈیکھ کرائیں
ہک ٹھڈا ساہ بھر آکھیا ہا
ایں وحشی جنگلی دور دے وچ
ہر رحمت بیشک بہوں سونہڑی پر رحمتاں بیاں نہ ڈیوے
رب کہیں کوں دھیاں نہ ڈیوے
منشو بھٹہ ✍🏻
”خط“
مَنڑ دریا تے سُتے وِیر دے نال حُسین ٌ اَلیندا کھڑئے
دھی دا خط سُنڑویندا کھڑئے
غازی ٌ ! میکوں خط اِچ صُغریٰ ٌ اے وی لِکھائے
جَڈاں تہاڈے ہَتھاں دے وچ مَیں اُجڑی دا خط پہنچے تاں
میڈی طرفوں ویر اکبر ٌ دی لاہندی مَس تے رَج رَج بوسے دان کرائے
اَگوں لِکھس۔۔۔۔
۔۔۔ میڈی طرفوں ویر اصغر ٌ کوں پیار کرائے
اگلی گالھ ڈَسا عباس ٌ ! مَیں پوری کراں ۔۔۔ کیویں کراں ؟
آکھس ۔۔۔
بابا میڈی طرفوں چاچے سئیں دے " ہتھاں " کوں وی ڈھیر چُمائے
غازی ٌ چپ ہے
خط وی جَھنڑ پئے ۔۔۔ شاہ ٌ وی جھنڑ پئے
غزل
تانگھ بال رکھنڑی ہئی رَستہ بھال رکھنڑاں ہا
ہُنڑ اے خیال آہدا ھ تیڈا خیــال رکھنڑاں ہا
مَن دا مِتر ہانویں توں ساہ دی سِتر ہانویں توں
مَن مَنوت رکھنڑاں ہا ساہ سنبھال رکھنڑاں ہا
تیڈے کجلے نیناں کوں صاف صاف ڈِسدا پئے
تیڈی بارگاہ دے وچ کیا سوال رکھنڑاں ہا
رُل گیاں تاں کیاتھی پیابُھل گیاں تاں کیاتھی پیا
مونجھ مونجھ کُرلاندی کیا ملال رکھنڑاں ہا
کیویں گزری ساڈا کیا کیا گزرسی ساڈا کیا
اساں تیڈے پیریں تے اپنڑاں حال رکھنڑاں ہا
اساں تاں جو نیتی سے اونویں پوری کیتی سے
آپ بُڈھڑےتھی گئےہئیں دل کوں بال رکھنڑاں ہا
عــزیز شاہد سئیں
نظم
جھانجھر دی جاہ گھنگھرو پَوا
دلبر دے در نَچدے جُلوں
سئیں کوں مَتاں ترس آ ونجے
سارا سفر نَچدے جُلوں
رستہ تونڑیں پُر خار ہے
پر شوق وی ہَسوار ہے
اکھ دی طلب دیدار ہے
دل دا ہے شر نَچدے جُلوں
دیوانہ کوئی نچدا ویندے
مَچ کوں مَچا مَچدا ویندے
ہِک شہر کیا ہر شہر کوں
تھیوےخبر نَچدے جُلوں
کہیں حال وی ہَرڑاں نہیں
ہُنڑ موت توں ڈَرڑاں نہیں
مر کے اساں مرنڑاں نہیں،
تھیووں اَمَر نَچدے جُلوں
ڈکھ دا بَحَر ٹھِلڑاں تاں ہے،
ہَنج پی کرائیں کھِلڑاں تاں ہے
آصفؔ اوکوں مِلڑاں تے ہے،
مِلنڑے جیکر ، نَچدے جُلوں
اساں تاں اُوہ ہیں جو فجریں نِکھتے
تے ول نِماشاں کوں گھر نہ ولے
اساں تاں جنگل مِزاج لوگ ہیں
ساݙے پیراں تے پھٹ نیں تِھیندے
ساݙے پیراں تے چھالے کونی
ساݙے تاں کئیں جھاہ حوالے کونی
اساں زمانے دی رول سانول
جے ڳول سگدئیں تاں ڳول سانول.
~سئیں مخمور قلندری✨
تونڑیں گھر اچ جو ویلھے دا اٹا نہ ہا
میڈے بچپن کوں غربت دا پتہ نہ ہا
اوں ویلھے ولا کجھ برکت وی ہئی
کجھ اماں تے ابے دی شفقت وی ہئی
میڈے منہ کولوں جو کجھ اکھیندا ڳیا
میڈا ہر ناز نخرہ منیندا ڳیا
ہر بندے کولوں مٹھی ٻولی ملی
میکوں کھیڈݨ کیتے ماء دی جھولی ملی
اوڈوں ابے دا مونڈھا سواری ملی
میڈے خابیں کوں اچی اڈاری ملی
میڈا جوبن جوانی دا ودھدا ریہا
میکوں بد سئیت مقصوم لبھدا ریہا
جڈاں اپݨے سنڑھپ کوئی پک آ لڳے
میڈی گردن تے غربت دا چک آ لڳے
ماء دے پورہیے کشالے کٹھالے ڈٹھن
اوڈوں ابے دے ہتھیں تے چھالے ڈٹھن
ایڈوں ٻھیڑیں بھراویں کوں بکھا ڈٹھے
اے میں پہلی دفعہ وقت ڈکھا ڈٹھے
ول میں محنت کرݨ دی کوئ کاری کیتی
ہک وڈے شہر دو تیاری کیتی
اڳوں گودے دے بنگلے دی چھت ٻھرݨی ہئی
شئیت اپݨے بدن دی میں رت ٻھرݨی ہئی
جہڑا ڳل اچ غریبی دا پٹا ملیے
میڈی کنڈ اتے سلہیں دا چٹا ملیے
میڈے معصوم سر کوں تغاری ملی
میڈے کمزور بت کولوں بھاری ملی
اوڈوں گودے دا دڑکا اۓ سہی نہ کڈھیں
شام تونڑیں ایں گارے چوں کہی نہ کڈھیں
گارا مکے تے گارا ولا لووݨے
پنجھا سیمنٹ دی ٻوری تئیں ڈھووݨے
جینجھاں وقت آڳئے چپ کر نبھیندا ریہاں
بھوڳ غربت دے ہن میں ٻھوڳیندا ریہاں
شام تونڑیں تغاری اساری ملی
شامیں فٹ پاتھ تے جا پتھاری ملی
کڈیں اٹھدا ریہا کڈیں سوندا ریہاں
رات ساری مقدر تے روندا ریہاں
فجریں تونڑیں آ تھوڑی جھئیں صبر ملی
اوڈوں ابے دے مرݨ دی خبر ملی
ہر بندے دی ٻٹ دا بہانہ تھیاں
جڈاں واپس میں گھر دو روانہ تھیاں
گھر پہنچاں تاں کہیں دے سہارے منگیے
چند ٹکے وی کہیں توں ادھارے منگیے
میڈے بچپن دے ڈو چار یاریں کنوں
کجھ قریبی جھئیں رشتہ داریں کنوں
صرف کفن دی قیمت ادھاری ملی
بے تحاشہ میکوں شرمساری ملی
مسیں مسیں میں پورا آ کفن کیتے
ونج تے ابے کوں غستان دفن کیتے
ایڈوں ڈو چار بھینڑیں جھر کرݨے ہن
اوڈوں ابے بہشتی دے قل کرݨے ہن
ایڈوں اماں کوں موزی بیماری لڳی
میڈے اندر کوں ٻئی ضرب کاری لڳی
ساری زندگی کتھائیں نہ سکھ ٹکریے ہن
میڈی اٹھدی جوانی کوں ڈکھ ٹکریے ہن
کم عمری دے وچ دھکڑے دھوڑے ملیے
میڈی چڑھدی جوانی کوں چوڑھے ملیے
در تے نسریے ہوئے غربت دے سٹے ڈٹھم
لہندی ڈھاڑھی دے وچ چٹے تیلے ڈٹھم
ول میں سوچم جو میں کتنا مجبور ہاں
میکوں پتہ لڳے میں تاں مزدور ہاں
جڈاں بچپن دا ویلھا ولا یاد آئے
میکوں ساغر موہاݨہ خدا یاد آئے
تونڑیں گھر اچ جو ویلھے دا اٹا نہ ہا
میڈے بچپن کوں غربت دا پتہ نہ ہا
اے میلہ میل ملیندا ہے بہوں تانگھ میکوں ہئی میلے دی
اے ویلہ ول نہ ہتھ آسی بہوں قدر کروں ہیں ویلے دی
ڈوں ہتھڑ تاڑی وجدی ہے نی زنگی یار اکیلے دی
دلنور جے دل توں دل چاتو دل نہ راہسی ہک دھیلے دی
ایویں جھٹ وچ جھیڑا جھڑ تھی گیا
چپ دل دی آس امنگ ترٹ پئی
چودھار اندھار ولھیٹ گهدا
ایویں دل دے شھر تےجنگ ترٹ پئی
ترٹا پیار تاں رنگلی ونگ اوندی
میڈی ترٹدی ہنجھ دے سنگ ترٹ پئی
بس ارشد سودا سانویں تھئے
میڈا دل ترٹ پئےاوندی ونگ ترٹ پئی
ساڋی گالھ کوں ڳال نہ ڳالھیں وچ، نہ ریت پھَلور روانہ کر
ساڋے اندر بھاہ دے شُعلے ہِن ، نہ بھاہیں سَور روانہ کر
ساڈی دِل چا ڈے ساڈی کِھل چا ڈے یا پِیرا ٹُور روانہ کر
ساڋے صاحبؔ سِمدے نیناں توں گِھن مُونجھ اَکَور روانہ کر
صاحب لغاری ✍🏼
غزل
چاننڑ کیڈا چٹا ہوندے
ڈیوے کیڈے کالے ہوندن
اکهیں دی کوئی چهت نئیں ہوندی
ہنجوں دے پرنالے ہوندن
جتهاں اللہ تعالی ہوندے
اُتھاں اجکل تالے ہوندن
بئ تاں یار طبیعت ٹھیک ہے
ہاں اچ دهوڑے ہالے ہوندن
کنگھی جیندا آکهیا منے
شیشے بختاں آلے ہوندن
ہک ڈینہہ کَچھ اچ بستہ ہوندے
بۓ ڈینهہ ہتھ گھڑمالے ہوندن
سئیں جمشید ناصر
سبسکرائب کریں در:
تبصرے (Atom)
.jpg)
.jpg)
.jpg)
.jpg)
.jpg)
.jpg)