جلدی یار منیدے ہاسے،،،

مرض محبت کولوں پہلے

اساں چنگے بھلے ہاسے

ہنڑ تاں او وی یادنیں آندا

جیکوں ڈیکھ تےجیندے ہاسے،،،

شہر تیڈا وی انویں کائنی

 جیویں اساں سنڑدے ہاسے

جے انج تھیسوں بچسوں کائنا

اساں ڈوہیں کوڑے ہاسے،،،

نہ بنڑدا جے زندگی ساڈی

مر ونجوں ہا مردے ہاسے

شکر ہے اج کٹھے تھئے ہیں 

وڈے زور دے مونجھے ہاسے،،،

اج تے کل اچ فرق ہے اتنا

روندے ہیں ہنڑ کھلدے ہاسے

ساکوں نجم سڈ نیں ماریا

اساں پچھ تے ولدے ہاسے،،،

۔۔۔نجم بزدار۔۔۔