عید 🙏

کوئی ایہو کہیں توں پچھ ڈیوے

او کیویں عیداں کر سگدے

جیندے تن دے کپڑے پورے نئیں 

فٹ پاتھ تے جیکوں نندر آوے 

جیندا گھر وی اپنڑاں نہ ہووے 

جیرھا فجریں لاء توں دیگر تئیں 

کہیں کڑکدی دھپ وچ ڈیکھو سہی 

ونج منتیں نال کوئی کھڑدا ہے 

مزدور بنڑے کہیں گودے دا 

جیکوں 500 جیہاڑی ملدی ہے 

کوئی چٹے ڈینہ کوں ڈاکو آ 

جیندا پتر جوان مزمت وچ 

ماں بڈھڑی سامھنڑے مار گھتن 

جیندا چھوٹے لا دا پیار ہووے 

جیندا جگری جیرھا یار ہووے 

جیندا سنگتی ٹر پردیس ونجے 

جیندا ویرنڑ ونج پردیس مرے 

جیندے تھوڈیں بکھ ہے روٹی دی 

کئی ڈینہ توں بکھے ہن جیندے 

ہک جنج دی روٹی پوری نئیں 

جیندے گھر دا اٹا پورا نئیں 

جیکوں چنتے چوڑھے ڈھگ ہوون

جیندیاں دھیریں ڈاج لئو سکدیاں ہن

جیندی ماں دی جتی نہ ہووے 

جیندی ماں جہیں جنت نہ ہووے

 

جیندا پیو کائنی جیندی ماں کائنی 

جیندا کوئی وی ولی وارث نئیں 

کوئی اتنا ارشن پچھ ڈیوے 

او کیویں ویس وٹا سگدے

ڈسو کیویں عید منا سگدے

عصمت ارشن دستی 💙