کاں وی میڈی زباں سمجھدے ہن

مور کوں جیڑھے کاں سمجھدے ہن
او محبت کڈاں سمجھدے ہن

بندے آھدن جو یار بہوں سوہنڑائیں
میکوں تیڈے جیہاں سمجھدے ہن

ھک نجومنڑ دے پیر چمے ہم
کاں وی میڈی زباں سمجھدے ہن

پکے جنتی ھن جیڑھے ڈھولک کوں
ملاں سائیں دی اذاں سمجھدے ہن

پیسے آلاں کوں معتبر آھدن
لوک رسی کوں لانہہ سمجھدے ہن

میں ایہو سوچ کے آلایا ہائی 
میکوں کتنا ڈیکھاں سمجھدے ہن

میں جڈاں رو کے لگا ویندا ہاں
یار میکوں تڈاں سمجھدے ہن

نوشیروان اسفند 💙