کِیوں کھڑا کِھلدیں، توں مَیڈے تَن تے لیراں ڈیکھ تے

حیف تھیندا ھے میکوں تیڈیاں سَرِیراں ڈیکھ تے💔

کوئی وی نئیں سنڑدا شہر وچ میڈِے غَم دی داستاں

مَعاف کر ،آہدن میڈا حالِء فَقِیراں ڈیکھ تے💔

اے میڈا دَم ھے جو اج تَک وی سِتم سَہندا وَدے

کیوں نجومی رُو پَئیں ہتَھ دیاں لکیراں ڈیکھ تے 💔

یار میڈے سامنڑے ٹُر پَئے میڈے دُشمن دے نال

کیا کراں جے آپ اپنڑاں ہاں نہ چیراں ڈیکھ تے 💔

آپ تے آ ترس ویندے، رو پوندا ہاں میں کڈاھیں

آپنڑی حالت ڈیکھ تے، جَگ دیاں جَگیراں ڈیکھ تے 💔

عِشق تیڈے او سَزا بَخشی ھے میں لاچار کوں 

موّت دے قیدی وی کَمبدن اے زنزیراں ڈیکھ تے💔

کون پُچھدے حال صاحِب بےوَطن بِیمار دا

خار کھاندِن لوک اے،لِیراں کَتِیراں ڈیکھ تے 💔

✍🏼صاحب لغاری