سک دی سیجھ تےلاتھیں لاتھیں

دردیں دی مۓ پیندے گۓ ہیں
مستیں وچ مستیندے گۓ ہیں
زلفیں نال بدھیندے گۓ ہیں
نظریں نال کُہیندے گۓ ہیں
سک دی سیجھ تےلاتھیں لاتھیں
آخرکار بھنیندے گۓ ہیں
ہرکہیں بھورا بھورا چاتے
بھورے بھورے تھیندے گۓ ہیں
اوندے گھر توں اپڑیں گھر تٸیں
گھر گھر وچ ورتیندے گۓ ہیں
پیریں پوندیں پوندیں آخر
پیریں وچ لتڑیندے گۓ ہیں
مٹی مٹی تھیندی گٸ اے
مٹی مٹی تھیندے گۓ ہیں
ڈوہڑے غزلاں نظماں بنڑ بنڑ
ہنجوں نال لکھیندے گۓ ہیں
انڑمِٹ نقش وفا دے ہاسے
تہوں ناشاد لکیندے گۓ ہیں
جمشید ناشاد۔۔۔۔۔۔۔۔۔