خداوا ڈس اے واقعی ساڈی ذات اے

اینجھے بھیڑے مقدر چئی ودے ہیں
تیڈے در توں وی ٹھوکر چئی ودے ہیں

اساڈی ٹور تے اعتراض نہ کر
اساں سینے تے پتھر چئی ودے ہیں

اوندے دل وچ اساڈی قدر کائنی
جیندا بوچھنڑ تے زیور چئی ودے ہیں

اے قاضی تاں کتھاوں عادل نی لگدا
جئیں ڈو شکویں دے دفتر چئی ودے ہیں 

سہا سگدیں اجاں کجھ دیر ساکوں
اجاں نکھڑنڑ دا کجھ ڈر چئی ودے ہیں

خداوا ڈس اے واقعی ساڈی ذات اے
یا کہیں میت کوں اندر چئی ودے ہیں

فیض بلوچ